لمن يسئل عن ترهيم عدسات للفيكتوريا بعد تجربتها 6 شهور

5 3

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 10 سنه و 12 شهر

السلام عليكم ورحمة وبركاته :


كيفكم ياحلووين وكيف الأختبارات معاكم


موضوع الزنون ومشكلة أنوار الفورد الكل يشتكي منها


سئلني ابراهيم التركي عنها وقلت بالمره يستفيدون الشباب من هذا الموضوع


عنده واحد من جماعته ناوي يركبها ومتخوف منها واليوم بطرح تجربة دامة 6 شهور تقريبا بدون اي مشاكل ماعدا مره واحده ضرب عليه فيوز مرهم وغيره وبشرح لكم هالفيوز المرهم وش طريقته


يسمونها عدسات لها انواع واشكال حسب الطلب وتباع في الغرابي ومنها بكثرة مرهمه للفوردات يعني تختار اللي تبيه ويركبونها لك مع الجرم كامل وبعضها تكون كامله


يعني تفك الشمعه كامله وتخليها معك ويركبون لك شمعه مرهمه مع العدسة مع المحولات والفيوزات من وإلى


المحولات لها أنواع وأشكال والعدسات وقوتها نفس الشي وميزتها إنك تقدر تختار حسب فلوسك تبي لون العدسات ثلجي اول يميل إلى الازرق كلها متوفره



العدسة مركبها خويي لها معاه ستة شهور وكئنه راكب جيب لكزس ماشاءالله تبارك الله تكشف الطريق كامل


اللي عجبني فيها إنهم مرهمين فيوز خاص للعدسات والمحولات يعني لو صار أي ضغط أو جهد أو أي إلتماس يضرب عليك الفيوز المرهم بدل ماتضرب عليك الفيوز اللي في علبة الفيوزات حقت بلدها

وصورة الفيوز المرهم موضحه باللون الأصفر وقد إنحرق على خويي وغير الفيوز وبكذا تضمن سلامة الكهرب ماتأثر على السياره أو غيره


السعر الإجمالي مع شغل اليد ( 750 )


(((( أنا شخصيا لا أفكر في تركيب هالأمور على السياره حتى لو كان شغل وكاله وعليها ضمان )))) أفضل تكون السياره بجون أي تعديل


http://www.youtube.com/watch?v=IoY8Ep4E8U0

إبلاغ

الردود